Ég hef oft velt því fyrir mér hvað gerist þegar maður deyr. Ekki á þennan dæmigerða hátt um það hvað verður um hinn látna þegar hann deyr heldur hvað verður um stafrænu leifarnar sem sú manneskja hefur skilið eftir sig í gegnum ævina. Ég er að meina vefsíða, blogg, Facebook, Myspace, Twitter & allt hitt sem maður tekur sér fyrir hendur á internetinu. Hvað mun gerast á Facebookinu mínu þegar ég yfirgef þennan heim? Mun koma notification til allra vina minna um að ég hafi látið lífið? Eða munu eftirlifendur mínir senda  starfsmönnum Facebook tölvupóst & biðja þá vinsamlegast um að fjarlægja aðganginn minn - þar sem ég hafi farið yfir móðuna miklu? Kannski er bara best að setja öll lykilorðin mín í erfðaskrána mína.
Þessi pæling tengist því ekkert að ég var að lesa bókina Áður en ég dey í páskafríinu & nei, ég er ekki að deyja - alla vega ekkert hraðar en þið hin.

Ég hef líka oft velt því fyrir mér hvað myndi gerast ef ég myndi hafa orð á öllum svona pælingum. Sumar hugsanirnar í kollinum á mér eru svo undarlegar & ég velti fyrir mér hinum ýmsustu hlutum. Ég ætti kannski að gefa út safn af pælingum & hugsunum - fólk gæti svo dundað sér við það að ákveða hvoru megin línunnar sem skilur að snilli & geðveiki, ég ætti að vera.

Mig langar í bækur. Mig langar til að lesa fullt af bókum! Mig langar til að vinna í bókabúð & lesa bækur & blöð & skoða ritföng. Ég er samt alveg búin að lesa ágætlega mikið af bókum á þessu ári - alla vega miðað við síðustu ár. Ég elska að lesa! ♥

Twilight ; New Moon ; Eclipse ; Breaking Dawn ; The Shack ; The Confident Woman ; Áður en ég dey