Í morgun fékk ég mjög óvænt símtal. Símtal frá manneskju sem að ætti að vera mun virkari í mínu lífi en hún er nú þegar. Manneskja sem ætti í rauninni að hringja í mig bara til að heyra í mér. Og í morgun gerðist það. Í heilar sex mínútur og þrjátíuogfimm sekúndur talaði ég við þessa manneskju. Ég var svo hissa að ég meikaði örugglega ekkert sense, en þetta made my day.

Í Völvufellinu er ekki búið að vera net síðan á laugardaginn. Við Ég er búin að tuða mjög mikið & tel að við séum að snúa aftur til Steinaldar, nema í þetta skiptið er það mun verra, af því að ég veit hverju ég er að missa af. Ég efast um að þeir á Steinöldinni hafi verið jafn háðir Internetinu og ég er.

Á laugardaginn var ég að passa systkini mín & skásystkini mín [Erdnu & Óla börn]. Gamla fólkið skellti sér á jólahlaðborð út í Viðey & ég sá um krakkaskarann. Eftir að börnin voru mjög pössuð plataði ég Dodda með mér í afmælið til Helene Ingu. Þar var alveg heill hellingur af fólki & ótrúlega gaman. Skynsemin tók öll völd þegar ég fór að sofa klukkan fimm, vaknaði klukkan tíu til að fara á brauðsbrotningu klukkan ellefu & fór svoí vinnuna frá eitt til tíu.

Mánudagskvöldið var vídeókvöld í Völvufellinu. Sunna & Óskar fóru útum allan bæ að leita að Napoleon Dynamite og fundu hana loksins í Árbæ, ásamt tveimur öðrum myndum. Við horfðum á Napoleon Dynamite & Evan Almighty langt fram á nótt og þegar ég vaknaði í gær horfði ég á Kung Fu Hustle með Óskari & Hjalta. Ég hef bara eitt orð yfir þá mynd; STEIK

Ég hef komist að þeirri einföldu niðurstöðu að ég ætti að njóta þess að vera þar sem ég er í augnablikinu. Ástæðan fyrir því er sú að eftir áramót verð ég útumallt! Biblíuskólinn MCI verður nefnilega að vera viðstaddur allt sem gerist á þessu litla jarðarhveli. Eða svona næstum því;

Í janúar verður Ný Kynslóð mót í Vestmannaeyjum
& það ætla allir að mæta!
Þar á meðal þú (=

Í febrúar verður unglingamót á Akureyri
& ég veit ekert hvort þú mátt koma með
En það væri ofur töff

Í mars ætlum við að fara til Burkina Faso!
& það er sko í Afríku
Stoppum væntanlega í París

Í apríl verður Masters Commission Europe ráðstefna
& hún verður haldin hér á Íslandi
Það verður fjör

Í maí verður trúboð á Stykkishólmi og Ísafirði
Vika á hvorum stað
Og það var einhver að tala um Höfn í Hornafirði líka

Og svo frelsast bara þetta land, ókei? En já svo að ég missi mig nú ekki alveg í þessu glæsilega framtíðarplani þá er ég að fara í jólaboð í kvöld. Elskulegu skáforeldrar/skólastjórar mínir Erdna & Óli eru að bjóða okkur Biblíuskólanemunum heim til sín í jólamat & fínerí. Á morgun er svo væntanlega síðasti skóladagurinn fyrir jólafrí. Þetta verður reyndar ekkert mikið jólafrí fyrir mig þar sem að ég þarf að vinna. Það eru allir velkomnir að koma & heimsækja mig í vinnuna!

Stundum held ég að ég sé rugluð. Stundum veit ég það. Til dæmis eins og í dag þá vaknaði ég klukkan 11 [eftir 8 tíma svefn; duglega ég?], klæddi mig,burstaði tennurnar og fór svo út. Ég keyrði alla leiðina til pabba og þegar ég kom heim til pabba fattaði ég að ég var með tannkremstúbuna í vasanum. Það var töff. Ég fór á jólatónleika klukkan þrjú, borðaði síðan kvöldmat með fjölskyldunni & fór svo aftur í bæinn. Skutlaði fyrst Þórhildi og Þorfinni til frænku sinnar og fór síðan bara heim í Völvufellið. Núna er ég eiginlega bara ein heima af því að Sunna, Lilja & Gísli fóru útí kirkjugarð að tjilla, jafn furðulega og það hljómar.

Þessir jólatónleikar sem ég fór á voru númer átta í röðinni hjá mér, síðan á mánudaginn. Ég fór á alla jólatónleika Fíladelfíu plús generalprufuna þannig að ég ætti að geta raulað með á aðfangadagskvöld. Við í Biblíuskólanum kláruðum líka að gera upp íbúð sem að kirkjan á í vikunni. Við rifum teppið af, sköfuðum undan því [sem að leiddi til þess að ég fékk megablöðru á þumalputtann að nafni Guðmundur], máluðum íbúðina & bónuðum gólfið. Mega duglegt lið hér á ferð. Öhm öhm öhm, á morgun þarf ég að vakna ofursnemma og sækja mömmu & Hjalta út á flugvöll. Á mánudaginn fer ég í litun & lita hárið á mér ljóst, finally! Og svo er bara næsta vika eftir & svo vinna vinna vinna.

Spennandi líf. Ég hef svo gjörsamlega ekkert til að blogga um þó að ég hafi sjaldan verið jafn upptekin. Fönní stöff, & já ég er farin að tala heví furðulega. Og skrifa líka. Jess jess. Ókei bæ.

Ókei hér koma tveir punktar um það sem ég er að gera þessa vikuna

Einu sinni var lítil stelpa. Litla stelpan átti fallegan iPod sem að geymdi alla tónlistina sem hún hlustaði á í frítíma sínum. Einn góðan veðurdag var litla stelpan að hlusta á fallega iPodinn sinn í stóra bílnum sem mamma hennar var að keyra. Nokkrum dögum seinna áttaði litla stelpan sig á því að hún hafði ekki séð fallega iPodinn síðan hún hafði hlustað á hann í stóra bíl mömmu sinnar. Litla stelpan varð mjög sorgmædd en hún var svo upptekinn að hún gleymdi að hringja í mömmu sína til að biðja hana um að finna fallega iPodinn sinn. Daginn eftir fann hún lausan tíma og hringdi úr bleika símanum sínum í mömmu sína og spurði hana hvort hún hefði séð fallega iPodinn. Mamman lofaði að leita og fann loksins fallega iPodinn í stóra bílnum. Nokkrum klukkutímum seinna var litla stelpan komin með fallega iPodinn sinn í hendurnar. Og þá fattaði hún að bakið af bleika símanum sínum var týnt.

Augnablikspæling sem enginn skal taka of alvarlega;;

Þegar maður sefur til eitt er mjög eðlilegt að dagurinn virðist styttri en vanalega. Þegar maður er búinn að vera á fullu í tvær vikur er mjög eðlilegt að á fyrsta frídegi sofi maður til eitt. Þegar maður er í Biblíuskólanum MCI er mjög eðlilegt að það komi tvær vikur þar sem allt er á fullu. Samkvæmt þessum útreikningum mínum er líf mitt mjög eðlilegt í augnablikinu.

Ég er komin heim frá Svíþjóð með smá stoppi í Kaupmannahöfn. Mér leið eins og algjörum túrista þegar ég gekk yfir Radhuspladsen og yfir að Strikinu. Ég hef nefnilega aldrei komið til Danmerkur áður - ég tel flugvöllinn ekki með í því - og sneri mig þess vegna nánast úr hálsliðnum við að skoða umhverfi mitt. Ég smakkaði brenndar möndlur sem að voru mjög ljúffengar - þar til hálfum poka seinna er ég var komin með ógeð af þeim - && líka franska pylsu. Verandi nýkomin frá Svíþjóð fannst mér ég mjög alþjóðleg þegar ég borðaði franska pylsu á Strikinu í Kaupmannahöfn. Við gistum í Copenhagen International Masters Commission og flugum síðan heim daginn eftir.

Við komum sem sé heim á miðvikudaginn í síðustu viku. Fimmtudagsmorguninn fór í að selja miða á jólatónleikana og síðan seinnipartinn fórum ég & Eydís með Önnu Jónu í Kotið. Þar var alveg yndislegt mót sem að ég held reyndar að hafi ekki síast nógu vel inní okkur Biblíuskólanemana þar sem að við vorum að sjá um eldhúsið á mótinu. Engu að síður yndislegt mót. Við komum heim af því í gær & hér er ég svo núna. Eiginlega alltof þreytt miðað við hvað ég svaf lengi. Í kvöld ætlum við stelpurnar - ég & Eydís & Lilja & Sunna - að hafa stelpukvöld. Dagskráin er ekki alveg komin á hreint en það verður alla vega gaman.

Annars er ég bara nokkuð góð. Fyrir utan eitt atriði sem að ég ætla ekkert að tala um hér. Ekkert alvarlegt þannig séð, eiginlega bara ekki neitt. Bara óþarfa rugl. [=