Gleðilegan Valentínusardag!

Í tilefni þess að ég elska ykkur öll ótrúlega mikið þá ætla ég að skella inn einu ástríku bloggi. Hvert einasta orð er slegið inn með sérstaklega miklum kærleika á mína dásamlegu fartölvu. Og ef að þið finnið ekki ástina drjúpa af hverju einasta atkvæði þá mæli ég bara með því að þið gefið ykkur sjálfum rækilegt knús frá mér. Því að eins og ég er búin að tönnslast á þá er þetta sérstaklega kærleiksmikið blogg.

Ég er búin að þjást af miklu bloggleysi undanfarna daga. Eða meira af orðaleysi. Ég er örugglega búin að byrja þetta blogg svona sjötíu sinnum. En þar sem að ég hef voðalega takmarkað að segja nema það að ég sé voða þreytt & væri mjög mikið til í að leggjast upp í rúmið mitt og kúra með koddanum mínum;; þá ætla ég bara að láta ykkur vita að;;

Laugardaginn 16.febrúar verða stórglæsilegir tónleikar í Fíladelfíu, Hátúni 2, til styrktar Afríkuferð okkar í Biblíuskólanum. Fram kemur fjöldi af mögnuðum tónlistarmönnum og verður mikil stemning.

Hæ!

Fyrir ykkur sem að höfðuð áhyggjur þá er tölvan mín ekki í hakki. eða alla vega ekki eins miklu hakki & ég hélt hún væri komin í  Nei, þannig er það að straumbreytirinn er í hakki. Það gleður mig mjög mikið því að straumbreytir er eilítið ódýrari heldur en ný tölva. Og þar til að ég kem því í verk að kaupa nýjan straumbreyti þá get ég bara notað straumbreytinn hans Óskars! Þökkum Guði fyrir bróður minn í tölvutegund.

Núna eru bara tuttuguogþrír dagar þangað til að við förum út til Frakklands & þaðan til Burkina Faso. Þar af leiðandi erum við komin á fullt í fjáröflun. Einn sunnudaginn héldum við RISA kökubasar & ætlum að halda annan þann 17.febrúar. Strákarnir eru á fullu að skipuleggja styrktartónleika sem verða haldnir laugardaginn 16.febrúar. Við erum síðan öll í því að reyna að fá fyrirtæki til að auglýsa í stórum kynningarbæklingi fyrir kirkjuna sem gefinn verður út á næstunni.
Í þessari viku erum við búin að vera með tvo gestakennara [Teddi í gær & Krisín Jóna í dag] & á morgun kemur sá þriðji, Þórhallur Heimisson, & ætlar að kenna okkur trúarbragðafræði. Það er alveg ótrúlega gaman að fá svona mikið af kennurum með frábærar kennslur. Ég held að í næstu viku verði líka einhverjir gestakennarar.
Ég er búin að vera rosalega dugleg í nýju vinnunni minni. Mömmu finnst það algjör brandari að ég sé að vinna við úthringingar þar sem að ég er með hræðilega símafóbíu, en svona er Guð stundum; húmoristi út í gegn.

Vá, hvað það er miklu skemmtilegra að skrifa ruglblogg. Þið megið búast við einhveri steypu frá mér fljótlega. Ég vona það alla vega. Plís Helga kveiktu aftur á ofvirka ímyndunaraflinu þínu & skrifaðu einhverja undraverða steypu á síðuna þína. Ókei? Það væri flott.

Já sæll vertu, gaman að sjá þig hér. Það er ekki hægt að ímynda sér hversu oft ég er búin að reyna að byrja þetta blogg en á einhvern undraverðan hátt þá hætti ég alltaf við að skrifa það sem ég skrifa. Ég held að ég sé líka búin að skipta fjórum sinnum um Heath Ledger mynd til að hafa efst. [Love, love] Ég væri mjög til í að horfa á 10 Things I Hate About You mjög fljótlega þannig að ef einhver á hana eða vill horfa á hana með mér má sá hinn sami hafa samband við mig.

En já um síðustu helgi var Vestmannaeyjaferðin ógurlega. Hún var bara mjög fín, fyrir utan ímyndunarsjóveiki og eitthvað fleira rugl. En Guð mætti á staðinn eins og honum einum er lagið, hristi upp í liðinu & breytti mörgum, ef ekki öllum, til hins betra. Ég var alla vega að fíla það sem Guð var að gera. Ég & Eydís hörkutól sáum um að stelpurnar færu að sofa á kvöldin, sem gekk misvel, & vöktum þær á morgnana, sem var aðeins auðveldara. Annars var bara yndislegt að hitta fólk, spila of mikið Jungle Speed & láta Guð vinna í lífi sínu.

Afríkuferðin færist nær & nær og á þriðjudaginn fór ég með Hjalta [fósturpabba mínum ekki Hjalta í skólanum] í sprautur. Ég var að sjálfsögðu mesta hetjan og fór næstum því að grenja þegar ég sat og læknirinn var að tala um sprauturnar. Svo komu þrjú lítil sting & þá var ég bólusett fyrir Lifrarbólgu A&B, Taugaveiki og Mýgulusótt. Takk fyrir kærlega. Ég hefði átt að eyða örlítið meiri orku í að vera stressuðust í heimi fyrir þessar sprautur. (= Á sunnudaginn ætlum við síðan að vera með kökubasar eftir samkomu í Fíladelfíu þannig að ef þig langar að styrkja okkur og fá í leiðinni gómsæta tertu þá mæli ég með því að þú kíkir á okkur.

Hey! Svo er ég líka komin með vinnu & ekki kærasta. [ef þú heyrir það þá er það einhver tímabundin geðveiki í ákveðnum einstaklingum] Og núna þegar það er komið á hreint þá ætla ég bara að segja ykkur að ég elska ykkur öll & það eiga allir að kommenta.

Af hverju er ekki til einhver sérstök aðferð sem maður á alltaf að nota til að byrja blogg? Það er svo mikið vesen að þurfa að hugsa upp einhverja stórkostlega byrjun á hverju bloggi fyrir sig. Ég hef ýmislegt betra við tímann minn að gera heldur en að finna upp hjólið í hvert skipti sem ég ætla að blogga. Til dæmis gæti ég haldið áfram að rökræða við hana Eydísi um það hvað ég er ekki að fara að æfa box með henni. Hún ákvað það áðan að við ættum að fara að æfa fitnessbox eða eitthvað. Ekki alveg það sem ég hafði hugsað mér að gera við alla ósýnilegu peningana mína.

Ég gæti líkað prófað að fara að sofa, en það er ekki svefntími fyrr en eftir klukkutíma. Ég veit alveg að ég má fara fyrr að sofa en að fara að sofa klukkan tíu eftir að hafa snúið sólarhringnum algjörlega við er ekki töff. Ég er búin að vera ótrúlega dugleg við að fara að sofa klukkan þrjú eða fjögur. Stórglæsilegur árangur. Annars er ég bara búin að vera að vinna í jólafríinu og var hjá Kötu um áramótin. Það var voða kózý enda er Kata besta vinkona í heimi! Ég elska þig!!!!!! Yesyes.

Og vá hvað ég hef ekkert til að blogga um; það koma bráðum myndir inná síðan í desember & svo verð ég dugleg að taka myndir á nýju ári. Skólinn að byrja á morgun & svona ;]

Eitt örlítið blogg áður en jólin koma ókei? Ég hef samt örugglega ekkert skemmtilegt að segja þar sem að ég er eiginlega bara búin að vera að vinna. Á föstudaginn horfði ég samt á Transformers [LOKSINS] með Dodda og var það mjög skemmtilegt og spes. Minniháttar rifrildi um sæng & eitthvað fleira skemmtilegt. Eftir að hafa næstum því sofnað þá skelltum við okkur í afmæli til Guðnýjar Erlu. Og í þetta skiptið fórum við heim á Kristilegum tíma. =)

Síðasta laugardagskvöld voru einhvers konar litlu jól heima hjá Dabba. Það byrjaði voðalega sakleysislega með því að þau skiptust á gjöfum, svo varð það aðeins ógeðslegara þegar þau ákváðu að drekka kók & bryðja freyðivítamíntöflur. Það freyddi frekar mikið út úr þeim & Hannes, sem drekkur ekki gos og var með mjólk, ældi. Flott flott.