[FeelingThis;; Mánudagur! Bleh]
[EchoingInMyHead;; The Only Difference Between Martyrdom And Suicide Is Press Coverage - Panic! At The Disco ]

H Ú B B R Í ! Svona gerist þegar þú blandar talfærum við mig; ég fer að bulla. Bjó til þetta forláta orð í gær í einhverju af þessum hringtorgum í Mosfellsbænum. Móður minni fannst það afskaplega fyndið, mér fannst það tilvalið fyrir þessa tölvu þannig að frá þessari stundu nefnist þessi tölva Húbbrí. Málið er að nafnagift þessarar tölvu hefur verið mikill höfuðverkur frá fyrsta degi, ég hafði ekki hugmynd um hvað hún ætti að heita. Ég var samt handviss um að hún ætti alls ekki að heita Friðrik og þess vegna bar hún nafnið EkkiFriðrik í nokkra klukkutíma. En núna heitir hún Húbbrí og ég mun aðeins tala um hana sem Húbbrí.

Ég ætla að gefa mér leyfi til þess að segja ykkur frá því að ég keypti mér L E V I ' S buxur á föstudaginn. Það voru dýrustu gallabuxur sem ég hef keypt & átt. Minnir mig á það hvað mig vantar rosalega mikið vinnu. Ég er að verða geðveik, peningarnir fara en það kemur ekkert í staðinn. Hjálp! Ef þú veist um lausa vinnu á Akranesi þá máttu hringja í mig, helst í gær. Ég þarf á peningi að halda, það er svo dýrt að vera ég. Ég ætla að hætta að eyða peningi. Þ a n g a ð til að ég þarf næst á peningi að halda.

Haha, ég var að frétta það að ég hefði kannski getað byrjað í ökuskólanum áðan. Gott að vita það núna. En annars liggur mér ekkert rosalega á. Ég meika það alveg að fá æfingarleyfi seint, ég þarf ekki það mikið á bílprófi að halda. Strax. Ég er samt alveg skíthrædd um að ég verði ömurlegur bílstjóri og geti ekki neitt. En nenni ekkert að pæla í því núna, ég er með Náttúrufræði heimadæmi sem að hræða mig alveg nógu mikið núna.