Halló halló halló!
Þar sem Facebook er að vera kjáni þá ætla ég að vera voða sniðug (eða meira að fylgja ráðum móður minnar) & skrifa örlítið um ferðir mínar hér. Ég get reyndar ekki skrifað mikið akkúrat núna vegna þess að ég er að fara að fara út með minni elskulegu Rachel Harvey (sem er ein af fólkinu sem kom hingað í maí)! Við ætlum að fara í smá verslunarleiðangur því að mig vantar svolítið af fötum & það er alltaf gaman að fara í búðir! Hmm, þessi vika er búin að vera mjög busy sem að mér finnst mjög fínt! Ég held að ég eigi aldrei eftir að kvarta yfir degi sem er mjög busy. Hvernig segir maður að dagur sé busy á íslensku ? Segir maður að dagurinn sé upptekinn eða eitthvað? Haha, vá hvað ég elska að skrifa & röfla bara eitthvað.
Ég get svo sem sagt ykkur eitthvað - það er til dæmis aldrei búið að fara yfir frostmark síðan ég kom hingað. Akkúrat núna eru -3 ° C úti en það eru 27° á fahrenheit! Frostmark hjá þeim er 32 sem er bara skrítið vegna þess að þegar ég heyri töluna 32 þá finnst mér eins og það ætti að vera heitt heitt heitt.
Myndin þarna uppi er af mér & kallinum í Legolandi (já, Legolandi) í Schaumburg.  Hver vissi að það væru Legolönd í Bandaríkjunum? Alla vega ekki ég! Ég hélt að það væri svona Danmerkur-thingy. Þetta var samt soldið fyndinn kall vegna þess að það vantaði legokubb í bláu stuttbuxurnar hans eins & þið sjáið & svo var líka gat á sokknum hans (þeir bjuggu hann til svoleiðis) sem að sést ekki á þessari mynd.
Í þessari viku er ég búin að horfa á The Sisterhood of the Travelling Pants 1 & 2 ;; ótrúlega gaman að horfa á svona stelpumyndir - ó! Ég horfði líka á Peter Pan í gær ;; það var áhugvert. (Leikna myndin ekki teiknimyndin)
Miðvikudagurinn var mjög upptekinn dagur ;; ég var í kirkjunni (Masters) frá hálf 9 til 12 - með smá kvöldmatarhléi sem ég tók í mjög miklum flýti. Málið er að á miðvikudagskvöldum þá er ég hluti af barnakirkjunni en núna í fyrradag þá þurfti ég líka að vera á æfingu vegna þess að hópurinn sem ég er í var með drama í barnakapellunni í gærmorgun. Ég fékk það merkilega hlutverk í sviðsmunaliðinu að færa sófa upp á sviðið & taka hann af sviðinu. Samt ekki ein.

Ég held að ég hafi aldrei áður hangið með svona mörgum stelpum! Þetta er stórfurðulegt & mjög öðruvísi. En samt mjög gaman & pottþétt mjög þroskandi vegna þess að stelpur geta verið skrítnar í umgengni. Stelpurnar hérna eru samt svo mismunandi! Það er fyndið að koma úr umhverfi þar sem það eru bara ég, Eydís, Kata & Jenný í umhverfi þar sem eru 9 íbúðir þar sem ég get farið & fundið stelpur! Funnyfunny.

Hey! Ég er að fara til Wisconsin á morgun! Ég komst að því í gær að það væri bara hálftíma keyrsla þangað svo að Sheena (þriðja árs nemi sem er awesome!) & Erin Olander ætla að fara með mig þangað! Það verður fjórða Bandaríkjafylkið sem ég heimsæki ;; so far hef ég farið til Massachusetts, New Hampshire & Illinois. Á leiðinni til Flórída mun ég svo keyra í gegnum nokkur fylki í viðbót svo að það verður gaman =)

Ég er líka að fara að fara á fullt af æfingum - sú fyrsta er á morgun klukkan eitt - fyrir ferðina mína til Flórída. Málið er nefnilega að við munum vera í ca viku að ferðast um & gera fullt af skemmtilegum þjónustuhlutum. Við erum að fara að æfa svona Human Video (drama stuff) eins & krakkarnir gerðu þegar þau komu til okkar. Haha! Það verður mjög áhugavert að taka þátt í svoleiðis.

Anywho, þá átti þetta að vera stutt en þar sem að ég er alveg einstaklega áhugaverð manneskja & get alltaf fundið eitthvað meira til að segja en nauðsynlegt er án þess að segja allt sem ég gæti sagt um vikuna mína þá er þetta langt.