Gleðilega páska og allt það. Núna er ég búin að vera heima í eina og hálfa viku en það gæti þess vegna verið mánuður síðan ég var í Burkina Faso. Vá, stundum þoli ég ekki hvað tíminn er afstæður. En já við sem sé komum heim á miðvikudeginum, vorum í fríi á fimmtudeginum og svo á föstudeginum fórum við í fangelsi... Reyndar fórum við bara með páskaegg í fjögur Fangelsi [Skólavörðustíg, Kvennafangelsið, Litla-Hraun & Sogn], sungum nokkur lög og vorum með vitnisburði. Á laugardeginum var allsherjar tiltektardagur & var Völvufellið tekið í gegn. Það er óhugnalega heimilslegt & hreint í Völvufellinu þessa dagana.

Eftir samkomuna á sunnudeginum kom páskafríið. Og eins og venjulega þá sef ég mjög undarlega í fríum. Ég þarf að fara að læra að fara bara að sofa þegar ég er þreytt. Það væri nokkuð kúl. Ég, Kata, Þór, Hafsteinn & Sahara Rós fórum eitthvað að rúnta og vorum ekki alveg viss um hvað við ætluðum að gera. Þar af leiðandi enduðum við á því að elta einn BMW út um allt eða þangað til að hann beygði inn í litla íbúðargötu, slökkti á ljósunum & kom svo keyrandi hægt á móti okkur, greinilega að gá hvort við værum að elta hann. Við skömmuðumst okkar í eitt augnabik & ákváðum síðan að ryðjast inn til Arons þar sem að við sáum kveikt ljós í glugganum hjá honum. Við vorum þar í góðu tjilli þangað til að Sahara Rós þurfti að fara heim. Ég & Katrínfríður tókum völdin af strákunum þannig að ég fékk að keyra bílinn hans Þórs & Kata vermdi framsætið. Við skelltum okkur í Árbæinn & náðum í Þorljót, nei ég meina Dodda, og svo tók við mjög tilgangslaus bíltúr þar sem strákarnir þrír sungu dásamlega afturí. (= Eftir að hafa keyrt í Garðabæinn fattaðist að við máttum fara til Kötu þannig að við keyrðum í Mosó þar sem við horfðum á Dark Water. Ég, Katrínfríður, Þorljótur, Stunglabba & Þórshamarinn skemmtum okkur ágætlega.

Ég og Rakel fórum niðrí bæ á þriðjudaginn og mér tókst að taka strætó heim vitlausu megin sem að orsakaði það að ég sat í klukkutíma í strætó númer tólf. Ekki kúl. Á miðvikudeginum fór ég síðan heim á Akranesið. Skellti mér í eina fermingarveislu á Skírdag en annars var þetta bara tjill. Á föstudaginn langa var síðan skipt um aðsetur og ég fór til pabba. Byrjaði á því að fara í afmælisveislu til afa og það var mjög gaman að hitta ættingja sem maður hittir ekki það oft.
Lýsir samskiptum mínum við ættingjana það kvöld.

Þetta Páskafrí er búið að vera mjööög mikið tjill & ég viðurkenni að ég er eiginlega ekki búin að gera neitt. Og það er bara gott. Þetta blogg er líka mjög tjillað þar sem ég nenni því varla.