[Lag; From The Inside Out - Hillsong]

Ég er að vinna í fatabúð eins && flestir sem að lesa bloggið mitt ættu að vita. Miðað við það að ég vinn í slíkri búð && miðað við það að föt eru oftast úr mjúku efni hlýt ég að eiga met í því að meiða mig í vinnunni. Byrjaði þessa viku á að rekast í hillu && hljóta af því djúpan skurð á vísifingur hægri handar. Eins && það væri ekki nóg þá tókst mér að skrapa sömu hendi nokkuð mikið á herðatrjám. Helga, hillur && herðatré eiga ekki nógu vel saman. Ái.

Í þessari viku er ég búin að gera heilan helling. Finnst mér alla vega. Á miðvikudaginn horfði ég á Die Hard 4 með Dabba, Andra & Þór. Ég held ég hafi sjaldan séð eins ýkta mynd en það var allt afsakað af því að þetta var nú einu sinni Bruce Willis í Die Hard. Á fimmtudaginn þurfti ég að hætta fyrr í vinnunni til að geta farið í skóla. Ökuskólann í Mjóddinni til að vera nákvæmari. Sat þar í tvo tíma && fór svo í Forvarnarhús Sjóvá þar sem ég lærði allt sem mig gæti langað að vita og ekki langað að vita um tryggingar. Efast samt um að ég hafi verið að hlusta nægilega mikið af því að það sem stendur upp úr eftir þetta kvöld er þetta; Ef ég hoppa fyrir bíl && tryggingafélagið getur ekki sannað að það hafi verið viljandi þá fæ ég pening. Verí næs.

Eftir tryggingafræðsluna kíkti ég niður í Veg && náði rétt restinni af samkomunni þar. Það var mjög fínt en hefði náttúrulega verið betra ef ég hefði verið alla samkomuna en þetta blessaða bílpróf tekur á. Í gær þurfti ég líka að fara fyrr úr vinnunni til að halda náminu áfram. Heilir fjórir tímar þar sem að konan babblaði um eitthvað sem ég á að kunna. En svo kom í ljós að ég kann það greinilega ekki eins vel og ég vil halda. Ég féll á æfingarbílprófinu með þrjár&þrjár villur. Blame it on the hringtorg! Þetta var bara víst biðskyldumerki á hvolfi sko. Þór kom && náði í mig && ég náði restinni af Fílósamkomunni líka. Get kannski lagt samkomurnar saman && sagt að ég hafi farið á eina unglingasamkomu. En eftir samkomuna fór fullt af fólki á Subway. Síðan fórum ég, Þór, Rakel & Dagbjört ljóshærða einn rúnt niður Laugarveginn með Take It All í gangi. Kvöldið endaði síðan í rólegheitum heima hjá Dabba með strákunum [Dabba, Þór, Vidda & Andra]. Horfðum á Simpsons The Movie && ég hló nánast jafn mikið && í bíóinu. Síðan sofnaði ég næstum því á Vidda. Veeei.

Hey já. Ætlaði bara að koma því á framfæri hér að ég er búin að skrá mig í Biblíuskólann MCI [Masters Commission Iceland] && byrja í honum 10.september. Er ekkert smá spennt en líka geðveikt stressuð. Er nokkuð viss um að þetta var það sem að Guð var að vinna í mér um helgina && svo fær hann núna heilt ár til að grúska í mér && laga mig til. Þið megið endilega muna eftir mér í bænunum ykkar því ég þarf virkilega á öllum stuðningi að halda sem ég get fengið. =]

Og það eru víst einhverjar nokkrar myndir síðan á Kotmóti inn á myndavélinni minni. Skelli þeim inn á annað kvöld eða eitthvað, þegar ég er komin heim til mín && svona. Af skiljanlegum ástæðum voru ekkert teknar svaka margar myndir um helgina en ég ætla núna að vera ýkt dugleg að taka myndir af öllum&engu. Svona mánaðamótaheit eða whatever. Ég veit líka hvað ég fæ í jólagjöf frá afa mínum af því að ég valdi það sjálf. Málið að gleyma því einhvern tímann á þessum fjórum mánuðum svo ég geti alla vega þóst vera hissa?