Ég er komin heim! Kom heim á fimmtudaginn í góða veðrið á Íslandi. Ég held barasta að móður minni hafi tekist að taka sólina með sér frá Spáni. Þið hefðuð átt að sjá hana þar sem hún stóð á bílastæðinu við flugvöllinn í Alicante með veskið opið og pakkaði sól í það fyrir allar vinkonur sínar.

Spánarferðin var æði. Ég ætla ekki að blogga eitthvað svaka langt ferðasögublogg en ætla bara að segja frá því merkilegasta sem ég gerði [sem var nánast allt; ég var alltaf að gera eitthvað] Ég borðaði rosalega mikið af góðum mat && smakkaði meðal annars Sushi, sem var furðulega ekkivont. Ég eyddi sautjánda júní í miðbæ Torrevieja && í tívolíinu sem var þarna á hafnarbakkanum. Ég fór í dýragarð [&& hitti lamadýr], fór í Sirkus && í Terra Mitica, þar sem að skræfan hún ég fór í stærsta rússíbana í Evrópu sem fer á hvolf! Síðan fór ég auðvitað aðeins á ströndina && að versla. ;] Ég tók alveg helling af myndum sem eru væntanlegar á síðuna þegar ég er búin að upphlaða þeim öllum. Ohh, íslenska er yndisleg.

Í gær skutumst við fjölskyldan austur á Hvolsvöll að ná í allt dótið mitt. Ég fór líka && sagði upp pulsupökkunarstarfinu þar sem að lamadýrin hvísluðu því að mér að ég ætti bara að vera í bænum og eiga mér smá líf fyrir utan vinnu. Vinnu sem ég er akkúrat í núna; en það er ekki neitt að gera þannig að mín er ekki þörf neins staðar annars staðar en á bloggsíðunni minni í augnablikinu.

Ég ætlaði svo að láta foreldrana skutla mér til Kötu minnar í Mosfellsbæinn en þar sem að þau voru á leiðinni í Hafnarfjörðinn þá varð ég að láta mér nægja að fara fyrst til Dabba [þar sem að hann var meira í leiðinni]. Ég && Dabbi náðum síðan í Andra && svo fórum við í Mosó þar sem ég hitti loksins hana Kötu mína. Ég && Kata vorum frekar svangar þannig að við skutumst á Stjörnutorgið í Kringlunni rétt fyrir lokun. Á meðan ég && Kata borðuðum pizzuna okkar kom einhver voðalega skrautlegur gaur og fékk að hringja hjá Andra þar sem að;; 'Vinur minn var að kaupa eitthvað minniskort && svo voru þeir eikka að setja það vitlaust í maður && ég eitthvað 'hey ég kann þetta alveg ég tengi stúdíó skilurðu' skilurðu'. Jahá, gaman að vita.

Eftir matinn fórum við á samkomu í Fíló. Þetta var mest heimilislegasta samkoma sem ég hef farið á. Vá! Þetta var alveg yndisleg samkoma. Ég, Kata, Dabbi & Andri fórum síðan aftur í Mosó og fórum heim til Kötu að horfa á einhverja mynd sem ég var ekki alveg að ná. :] En það voru alla vega Zombie-ar í henni. Strákarnir fóru um miðnætti en ég & Kata kláruðum myndina og fórum svo upp í rúm að lúlla ;]

Í morgun kom svo Andri að sækja mig && skutlaði mér í vinnuna þar sem ég er enn. Þau ætla víst að kíkja eitthvað á mig í vinnuna á eftir && svo var pælingin að gera eitthvað í kvöld. Já, veistu ég er að pæla í að fara að vinna.