//FimmtíuogÁtta

15. mars 2007 klukkan 18:16

Orlando : : Orlando

Ég neita að verða veik aftur. Nei, nei, nei & aftur nei. Ég hef engan tíma í svoleiðis vitleysu. Ég sé samt fram á að vera hóstandi fram að Spánarferðinni með þessu áframhaldi. Ég gæti skrifað bók um hósta. Ég er orðin svo mikill sérfræðingur í hóstafræðum. Í augnablikinu er ég með svona hósta sem maður fær þegar manni er búið að vera kalt. Næstum því eins og maður hafi sofið með gluggann opinn alla nóttina. Æi þú hefur alveg fengið svona hósta!

Aðalástæðan fyrir því að ég neita að verða veik er sú að á morgun eftir skólann þarf ég að bruna til Reykjavíkur og taka rútu austur í Fljótshlíð. Jahá! Það er sko komið að unglingamóti. Ég er búin að vera að bíða eftir unglingamóti síðan ég kom heim frá Noregi. Ég er samt ekki alveg viss um að ég þori í rútuna vegna þess að Elsa Marý tilkynnti mér það hátíðlega að hún ætlaði að nauðga mér um helgina. Sumir eru kannski aðeins of spenntir fyrir því að hitta mann. Ég & Rakel félagi [takk Þorgerður fyrir að líma þetta orð við heilann á mér] ætlum að sitja saman í rútunni & líklega deila herbergi, ásamt öðrum. Ég er handviss um að þetta verður besta mót í alheiminum og ég lofa ykkur því að ég myndi taka heilan haug af myndum ef að myndavélin mín hefði ekki verið í hakkabuff um daginn. Ég hlýt að geta stolið myndum af einhverjum svo að þið getið séð allt fallega fólkið sem ég hitti um helgina.

Hávaxið fólk er love. Ég veit ekki hvað ég myndi gera ef að það væri ekki til hávaxið fólk. Ég myndi að öllum líkindum deyja í þunna loftslaginu sem er í minni hæð. Það sem ég elska mest við hávaxið fólk er það hversu yndislega þægilegt það er að halda utan um það. Maður þarf ekki að beygja sig niður við sjávarborðið til að knúsa hávaxnar manneskjur & getur lagt sig á öxlinni á þeim. Harpa sagði um daginn að ég væri í fínni hæð. Og þar hafiði það; ég er í fínni hæð. Ástæðan fyrir því var reyndar sú að það var víst svona súperdúper þægilegt að halda utan um mig & ætlar hún að finna sér kærasta í nákvæmlega sömu stærð og ég. Væri það ekki frábært ef að það væri til svona búð? Þá gæti hún bara mætt með mig á staðinn og sagt; 'Ég ætla að fá einn svona. Bara karlkyns.' Vá hvað lífið væri einfalt þá. Ég veit reyndar ekkert hvað fékk mig til að tala um hávaxið fólk. Fannst ég bara þurfa að koma þessu á framfæri.

Ég vil líka benda áhugasömum á það að ég skil Laxdælu. Mér líður alltaf ótrúlega vel þegar ég sest niður og les í Laxdælu. Bara út af því að ég skil hana. Síðast þegar ég las svona Íslendingasögu var það Gíslasaga Súrssonar og þar skildi ég ekki eitt einasta orð. Það eina sem ég veit um þá bók er að hún er um einhvern Gísla Súrsson og ég veit ekkert hver það er. Þið hefðuð átt að sjá fjöldann á Gíslum sem voru í fyrstu þremur köflum bókarinnar. Ég býst við að pakka þessari íslensku saman svipað og ég gerði við pulsurnar í sumar enda er ég með tíu í annareinkunn. Á samt einhver Laxdæluglósur sem hann gæti lánað mér? Ef að einhver myndi lána mér flottar glósur úr Laxdælu þá yrði ég þeirri manneskju ævinlega þakklát og myndi elska hana að eilífu. Auk þess kæmi til greina að tileinka þeirri manneskju blogg. Það yrði frábært!

Enn áhugasamari fólki vil ég einnig benda á það að litla systir mín er byrjuð að tala. Og hvað haldiði að fyrsta orðið sem hún sagði hafi verið? Jújú, mikið rétt. Hún byrjaði á rétta endanum og sagði fyrst;;

HELGA!

Ellið reynist samt svolítið erfitt stundum og þá notar krónprinsinn á heimilinu tækifærið og heldur því statt og stöðugt fram að hún hafi sagt Edgar en ekki Helga. Við vitum auðvitað öll að það er argasta vitleysa enda situr barnið stundum og kallar á systur sína. Án djóks. Erum við að tala um sniðugasta & sætasta barn í heimigeimi?